Mazhoranca ka prezantuar në komisionin e ligjeve reformën e njëanshme territoriale, ndërsa opozita braktisi komisionin, duke i akuzuar socialistët se prishën konseusin për ndarjen e re territoriale. Ndërsa Partia Demokratike kërkoi të kthehet pas projektligji i cili nuk është konsultuar me qytetarët që preken nga reforma e re, Partia Socialiste vijoi me planin e njëanshëm që parashikon shkrirjen e 15 bashkive.
Mazhoranca ka vijuar me planin për një reforme të njënashme territoriale duke minuar përfundimisht, konsesusin për ndarjen e re territoriale. Opozita braktisi mbledhjen e Komisonit të Ligjeve, ku bashkëkryetari socialist, Arbjan Mazniku, prezantoi reformën e re territoriale që parashikon shkrirjen e 15 bashkive dhe është bërë pa konsulta me qytetarët.
Më herët komisioni u përfshi nga debatet, pasi opozita kërkoi që projetkligji të kthejë pas me argumentin që është antikushtetues dhe të hartohet nje draft i ri, pas konsultave me komunitetet. Por thirrja e tyre ra në veshin e shurdhët të mazhorancës.
Pas largimit nga mbledhja, bashkëkryetari demokrat i Komisionit të Reformës Territoriale, Luçiano Boçi deklaroi se konsesusi u prish nga Partia Socialiste, pasi ndarja e re, ka qëllime elektorale.
Reforma e njëanshme e propozura nga socialistët parashikon uljen e numrit nga 61 bashki në 46, ndërsa është pritur me protesta nga qytetarët e bashkive që parashikohet te shkrihen.
