Kryeministri Edi Rama ka reaguar sot pas protestës së madhe të studentëve të cilët i kërkojnë largimin e tij dhe të qeverisë së tij.
I futur në zgavrën e një kioske të djegur nga studentët dhe të rinjtë e Tiranës ai ka recituar monologun e tij tashmë të përditshëm në mbrojtje të karriges së tij. Dhe duke recituar me duar dhe këmbë bërë zbulimin e madh që, në këtë protestë ka “duar të huaja”.
Sipas Ramës, në protestë ka duar të huaja, pasi nuk duan të mirën e Shqipërisë.
Nuk tha asnjë fjalë për dhunën që ushtrojnë ushtarët e tij ndaj të rinjve. Nuk tha asnjë fjalë për korrupsionin e tmerrshëm që menaxhon ai personalisht dhe skuthat e tij në qeveri e kudo duke vjedhur shqiptarët dhe pronat e tyre.
Revolta e të rinjve shqiptarë e ka terrorizuar. Frikë e detyron çdo ditë të dalë sapo zbardh dita që të zbuloje armiqtë e radhës. Duke u bërë kështu më shumë se qesharak. Studentët dhe të rinjtë e Tiranës dhe të gjithë Shqipërisë i kërkojnë dorëheqjen. Ai thjesht duhet të bindet e të mbyllë Brenda zagarët civile që sulmojnë rininë dhe gjithë shqiptarët.
Rama: Si mund të jenë studentët, si mund të jetë investimi i prindërve tek fëmijët e tyre kjo gërmadhë. Kjo nuk ka lidhje me studentët, nuk është më studentore. Pengmarrja e qytetit me maska, nuk ka të bëjë më hallet, me problemet me aspiratat e gjithkujt që do një jetë më të mirë. Është po ajo dorë, që ka kapur për fyti opozitën shqiptare që ka djegur Shqipërinë jo një herë dhe që është gati ta djegë përsëri për të mos e lënë të bëjë përpara në një luftë qorre, ku urretja më e verbër janë e vetmja dritë arsye. Këta nuk janë studentët, as ata që marrin peng gjatë ditës qytetin nuk janë studente.
Si mund të nxirren të miturit në rrugë, si mund të nxiten të miturit të vënë maska, të shkulin trotuarin dhe të qëllojnë policinë? Si mund të rrezikohet jeta e të miturve duke i hedhur në rrugë për axhenden e tjetër kujt. Dora e vjetër që e ka ndjekur Shqipërinë, dhe e dimë se e kujt është sot mbështet edhe nga duart e huaja që nuk e duan Shqipërinë të qetë, nuk e duan Shqipërinë të shohë drejt dhe të ecë përpara, që nuk e duan Shqipërinë pjesë të familjes së BE. Nuk e duan Shqipërinë të lirë, për të qenë bashkë me popujt e tjerë. A ju duket rastësi që sapo Shqipëri afrohet më shumë drejt objektivit historik, këtu plas flaka? Nuk është aspak rastësi. Kjo që po ndodh është një test i karakterit tonë, është një tjetër hap që ne do ta hedhim së bashku përballë një pengesë artificiale.
Po, studentët, sipërmarrësit, njerëzit e zakonshëm kanë të drejtë të kërkojnë më shumë. Problemet duhen adresuar, jemi këtu për të bërë më të mirën me aq sa dimë dhe të bëjmë më mirë. Mos e harroni se e kemi sjellë Shqipërinë deri këtu. Këtë nuk e ka sjellë as koha, as rrethana, por një punë këmbëngulëse. Kush thotë që të përkulemi përballë dhunës për pak qetësi gabon, sepse kjo do të thotë ta humbësh qetësinë dhe ta humbësh rrugën për një kohë të gjatë.
