Eurodeputetja holandeze Anna Strolenberg, gjatë fjalës së saj në Parlamentin Europian, ka folur për dhunën barbare që po ushtron policia ndaj të rinjve shqiptarë dhe për Edi Ramën i cili nuk ndryshon qëndrim dhe refuzon dorëheqjen.
Strolenberg shprehet se BE ka mekanizma për të ndikuar dhe duhet ta bëjë me patjetër. Ajo thekson se është e pafalshme nëse BE nuk do të reagojë dhe dënojë dhunën policore.
“Më vjen turp që BE, nuk dënon dhunën masive të policisë. Është e papranueshme. Nuk do na falet nëse nuk i dënojmë. Shqipëria pjesë e familjes evropiane dhe familja kujdeset për fëmijët e saj. Kemi mekanizma për të ndikuar dhe duhet ta bëjmë”- ka deklaruar eurodeputetja holandeze.
