Një masiv shkëmbor është shkëputur si pasojë e reshjeve të shiut pranë fshatit Bardhoc, duke bllokuar përkohësisht qarkullimin në Rrugën e Kombit, në drejtim të pikës kufitare të Morinit.
Në momentin e rënies së gurëve, në atë segment nuk po kalonte asnjë automjet.
Firma e mirëmbajtjes ndërhyri me mjete të rënda për të larguar gurët nga rruga. Qarkullimi u normalizua brenda rreth një ore.
