Analisti Mentor Nazarko në një intervistë në studion e “News24” komentoi situatën në Partinë Socialiste dhe marrëdhënien mes kryeministrit Edi Rama dhe Erion Veliajt, ndërsa ky i fundit u shkarkua nga Rama në Asamblenë e PS.
Gjatë intervistës, Nazarko theksoi se Veliaj ngelet një rrezik serioz. Më tej theksoi se sipas tij Rama do tentojë hapësira për kompromis me të, sepse Veliaj siç shton Nazarko është shumë i rëndësishëm për shkak të firmës.
“Përplasjen e Veliajt me Ramës e kam parë si pjesë e luftës për pushtet. Luftë për pushtet edhe brenda PS. Veliaj ka qenë edhe një figurë e rëndësishme. Është dikush që ka menaxhuar një Bashki si Tirana faqja e të cilës është ndryshuar. Për shkak të Veliaj PS është mburrur se di të qeverisë. Ka arritur të konvertojë këtë fuqi të madhe në aparat efektiv për zgjedhje. Dhe mund t’i krijojë probleme PS për Tiranën.Mjafton të kujtojmë ballafaqimin e Ramës, përse humbi përballë Bashës sepse ishte Hysni Milloshi që i krijoi probleme… Veliaj ngelet rrezik serioz dhe një sfidant serioz i tij. Veliaj ka në dorë sic e tregova me shembullin e Hysni Milloshit, suksesin e Tiranës. I duhet sepse ka firmën, pra ka firmën për buxhetet, për projekte. Rama nuk i shpenzoi të gjitha armët partiake kundër Veliajt, po ashtu dhe Veliaj.”, tha ai.
