Ballina Europë Përplasen 2 trena pasagjerësh në Pragë, dhjetëra të lënduar, disa në gjendje...

Përplasen 2 trena pasagjerësh në Pragë, dhjetëra të lënduar, disa në gjendje të rëndë

30
0

Dhjetëra persona kanë mbetur të lënduar, disa prej tyre rëndë, si pasojë e përplasjes së 2 trenave të pasagjerëve në Pragë, kryeqytetin e Republikës Çeke.

Aksidenti ka ndodhur të martën, rreth orës 07:00, pranë stacionit kryesor hekurudhor, në urën mbi rrugën Seifertova, në zonën Praga 3.

Sipas mediave të huaja, përplasja ka shkaktuar ndërprerje të shërbimeve hekurudhore në kryeqytetin çek.

Shërbimet e emergjencës kanë bërë të ditur se 2 trenat po lëviznin me shpejtësi të ulët në momentin e aksidentit.

Shumica e të lënduarve kanë pësuar lëndime të lehta, por disa janë në gjendje më të rëndë.

Zëdhënësi i shërbimit të ambulancës së Pragës, Karel Kirs, ka deklaruar se disa pacientë kanë pësuar lëndime serioze që rrezikojnë funksionet e tyre jetësore. Shkaqet e përplasjes nuk janë bërë të ditura ende.