Erion Veliaj nuk paraqitet në gjyq përballë gazetarit Bledian Koka dhe producentit të emisionit investigativ “Piranja” me justifikimin mjekësor se ka “marrje mendsh”!
Seanca e pajtimit e caktuar sot nga gjyqtarja Vjollca Spahiu, u shty për shkak të mungesës së paditësit Erion Veliaj dhe avokatit të tij Ermal Yzeiri!
Seanca gjyqësore e ngritur pas padisë së Erion Veliaj ndaj gazetarit Bledian Koka dhe producentit Vojo Bregu, që mbrohen nga avokati Dorian Matlija, zgjat prej dy vitesh dhe nisi pas investigimit të emisionit “Piranja” me denoncimin publik të biznesmenit italian Gabriele Tarroni Longinoti, se Erion Veliaj kishte bashkëpunuar në mënyrë okulte me kompaninë “Bruno Presezzi” për blerjen e një inceneratori jashtë funksioni për ta vendosur në landfillin e Sharrës!
