Aktorja dhe modelja e njohur amerikane, Pamela Anderson, ka qenë një nga figurat më të spikatura në Festivalin Amerikan të Filmit në Deauville të Francës. Në moshën 58-vjeçare, ajo mahniti publikun me një fustan të zi elegant pa rripa, duke u cilësuar nga mediat si një nga paraqitjet më të bukura të mbrëmjes.
Gjatë ceremonisë, Anderson u nderua me një çmim të madh për kontributin e saj në kinematografi dhe kulturën pop.
Në fjalën e pranimit, ajo nuk i la pa prekur as thashethemet që kanë qarkulluar së fundmi rreth një romance të mundshme me aktorin Liam Neeson, duke i komentuar me elegancë dhe humor.
Pamela Anderson, e cila u bë e famshme në vitet ’90 me rolin e saj në serialin kult Baywatch, prej kohësh është një ikonë e ekranit dhe e botës së modës.
Paraqitja e saj në tapetin e kuq të Deauville-it u prit me ovacione, duke e kthyer atë në një nga momentet më të komentuara të festivalit.
Festivali i Deauville është një prej ngjarjeve më prestigjioze në Francë që promovon kinemanë amerikane dhe shpeshherë sjell në skenë yjet më të mëdhenj të Hollivudit.
Këtë vit, Anderson jo vetëm që spikati për stilin dhe sharmin e saj, por edhe për mesazhin e sinqertë që përcolli në publik.
