Asociacioni i Gazetarëve të Shqipërisë i është drejtuar me një shkresë zyrtare kryetarit të Kuvendit Niko Peleshit, duke i kërkuar anulimin e anulohen planet e mazhorancës për të kufizuar praninë e gazetarëve në parlament.
Në këtë shkresë prej një grupi prej 26 organizatash shqiptare dhe të huaja, përfshirë organizata për lirinë e medias dhe shoqërinë civile, shprehet shqetësimi për planet e shumicës parlamentare për të kufizuar praninë e gazetarëve në Kuvend, përmes heqjes së filmimeve të pavarura dhe kufizimit të kontakteve spontane me deputetët.
“Sot, 26 organizata ndërkombëtare dhe shqiptare për lirinë e medias dhe shoqërinë civile i kanë dërguar një letër të hapur Kryetarit të Kuvendit të Shqipërisë, Niko Peleshi, dhe drejtuesve të grupeve parlamentare. Organizatat shprehin shqetësimin e thellë për planet e shumicës parlamentare për të kufizuar aksesin e gazetarëve në Kuvend, përmes heqjes së filmimeve të pavarura dhe kufizimit të kontakteve spontane me deputetët.
Ruajtja e transparencës dhe aksesit real të gazetarëve në Parlament;
Shmangia e praktikave që kufizojnë pyetjet spontane dhe kontaktin e drejtpërdrejtë me deputetët e ministrat;
Zbatimi i standardeve europiane për lirinë e medias si pjesë e angazhimeve të Shqipërisë në rrugën e integrimit në BE.
Ky është një apel i 26 organizatave që thekson se kufizimi i qasjes së gazetarëve do të ishte një hap i rrezikshëm prapa për demokracinë dhe transparencën në vend”, deklaron Asociacioni i Gazetarëve të Shqipërisë.
