Aktorja amerikane Dakota Johnson zbuloi së fundmi se çfarë nuk i pëlqen kur bëhet fjalë për veshjet e meshkujve.
Në një video për Vogue Germany, aktorja 36-vjeçare ndau me burrat shenjën e saj paralajmëruese përfundimtare, dhe kjo përfshin një lloj specifik të këpucëve.
Kur u pyet nëse kishte ndonjë shenjë paralajmëruese, ajo u përgjigj thjesht: “Burra që veshin shapka në publik. Vraponi”.
Në një intervistë me këtë portal, aktorja foli hapur për rutinën e saj të bukurisë, përfshirë ritualin e saj të pazakontë të prerjes së flokëve. Edhe pse balluket e saj karakteristike kërkojnë shumë mirëmbajtje, ajo i është përkushtuar pamjes së saj.
“Kam pasur balluke që kur isha fëmijë. I kam prerë vetë kur isha rreth katër vjeç dhe më kanë pëlqyer shumë. I kam pasur gjithë jetën time. Ndihem vetvetja me balluke. A do të isha e lumtur nëse nuk do të më duhej t’i shkurtoja gjatë gjithë kohës? Njëqind për qind, por gjithashtu udhëtoj gjithmonë me gërshërë dhe më pëlqen të pi një martini ndërsa shkurtoj balluket“, tha ajo.
Ylli zbuloi gjithashtu rutinën e saj jashtëzakonisht të thjeshtë të kujdesit për flokët.
“Nuk përdor asnjë produkt stilimi dhe i lë flokët të thahen në ajër. Tani për tani janë ende pak të lagura, por nuk bëj asgjë me to. Kur jam duke filmuar, sigurisht që është ndryshe”, shpjegoi ajo.
Për tapetet e kuq, Johnson u drejtohet stilistëve të flokëve Mark Townsend ose George Northwood.
“Ata kujdesen shumë mirë për flokët e mi. Janë shumë të gjatë, por flokët dhe thonjtë më rriten shpejt. Mendoj se ka të bëjë vetëm me atë që bëj nga brenda. Ha shumë shëndetshëm, pi shumë ujë dhe nuk shqetësohem shumë për flokët e mi”, shtoi ajo.
