Ish-Mbretëresha Sirikit e Tajlandës, nëna e mbretit në fuqi Vajiralongkorn dhe gruaja e monarkut më jetëgjatë të vendit, ka ndërruar jetë në moshën 93-vjeçare.
Pallati e njoftoi këtë në një deklaratë.
“Gjendja e Madhërisë së Saj u përkeqësua të premten”, shkruhej në të, “dhe ajo vdiq në orën 21:21 në Spitalin Chulalongkorn në moshën 93 vjeç”. Nëna Mbretëreshë ishte shtruar në spital që nga viti 2019 pas “sëmundjeve të shumta”, përfshirë një infeksion gjaku të diagnostikuar këtë muaj. Në vitet 1960, ajo u takua me presidentë dhe yje amerikanë, përfshirë Elvis Presley. Imazhi i saj u shfaq gjithashtu disa herë në kopertinat e revistave perëndimore.
