Nga Spartak Ngjela
SPAK-u, a ia ka komunikuar akuzën e dytë Berishës për masakrën e “21 Janarit”?
Një kryetar partie i cili i ka humbur thellë zgjedhjet, nuk mund të jetë më kryetar i asaj partie.
Por në Shqipëri shpesh humbësi i zgjedhjeve nuk dëgjon nga veshët, por ai nuk përdor as aparate dëgjimi.
Por çfarë kërkon të bëjë ky lloj kryetari, i cili është i akuzuar me akuzën penale për korrupsion?
Asgjë, vetëm e ruan dhe e mban atë një shpresë e kotë, se ka frikë nga dënimi penal.
Po procesin gjyqësor kur e ka?
Ende nuk ka një datë, por askush nuk e kupton se çfarë po ndodh?
Akuzën e dytë ai e ka shumë të rëndë, nëse ajo do t’i komunikohet, se kështu po thonë ekspertët ndërkombëtarë të nivelit lartë që janë në drejtimin profesional të SPAK-ut.
Atëherë?
Asgjë nuk ka në favor Saliu.
Por pyetja mbetet të jetë: SPAK-u, a ia ka komunikuar akuzën e dytë Berishës për masakrën e “21 Janarit”?
Të shohim, se lufta penale kundër korrupsionit dhe krimit të organizuar është proces në vazhdim në Shqipëri, dhe akuza për masakrën e 21 Janarit nuk është e lehtë që të formulohet, sepse për atë akuzë ndaj krimit të 21 janarit është zhvilluar tashmë një proces gjyqësor, dhe dihet që vendimi gjyqësor për të akuzuarit, ka marrë formën e prerë.
