Kreu i PD Sali Berisha në një konferencë për mediat, u shpreh se qeveria e krimit mund të largohet vetëm me protesta.
Berisha theksoi se shoqërisë shqiptare i duhen njerëz që i përkushtohen vendit. Kreu i PD nuk i ka ndalur akuzat ndaj Belinda Ballukut dhe kryeministrit Rama duke thënë se janë vjedhur paratë e shqiptarëve.
Kanë abuzuar miliona dhe miliarda, para të taksapaguesve. Është vetë direkt i implikuar . Dy dosjet e lubisë, qoftë tuneli, qoftë unaza, Rama del aq sa lubia me mesazhet. Kurse AKSHI, AKSHI i kunatës dhe ishte më unikja në Europë dhe botë, merresh peng sepse merr pjesë në tendera, për t’i hapur rrugën kunatit. Merresh peng dhe nuk hetohesh. Gerond Meçe, duhet t’ja u di për nder autoriteteve gjermane për kontributin e tyre, sepse ai as që do hetohej. Ky njeri që nuk do të heqë imunitetet dhe bllokon drejtësinë për vjedhjet që ka bërë, nuk lejonte hetimin. Por fatkeqësisht zbërtheu se koordinatori e kishte marrë peng. Nuk ka dëshmi më tronditëse se këto për një qeveri. Nuk ka akuzë më të rëndë ndaj nesh në rast se ne nuk i rrëzojmë këta. Ne jemi para sfidës, kërkohet sakrificë, të zëmë bulevardin, deri sa ky të qërohet dhe të shkojë para gjykatës për vjedhjet që ka bërë. Opozita ecën e sigurt drejt pushtetit”, tha ai.
Gjithashtu Berisha tha se është koha për veprimtari shumëplanëshe.
“Është një shans i madh për PD për opozitën. Jemi këtu dhe unë që po flas në mënyrë të përsëritur në forume, kam bërë thirrje, “ të bëni gjithçka për të ofruar vlerat ndaj nesh”. Jam i bindur se këtë mesazh demokratët, opozitarët e kanë të qartë që është i domosdoshëm. Ne kemi vlerat midis nesh dhe hapësirat do t’ja japim. Kam bërë bisedë formale me ta dhe kanë plot ide. Ne jemi në një kohë të pashembullt. Kjo kohë duke nisur nga unë kërkon të përshtatemi për veprimtari shumëplanëshe. Ne duhet të pranojmë të ndërmarrin veprimtari të shumanshme. Vetëm në këtë mënyrë mund të përmbushim misionin historik të përmbysjes së diktaturës. Garantoj në emër të PD se roli i tyre do të ridimensionohet.
Pjesë nga fjala e Berishës:
Pse u ndala këtu?
U ndala në mesazhin për të gjithë opozitarët dhe demokratët, nuk ka dëshmi më tronditëse se këto për një qeveri.
Nuk ka akuzë më të rëndë ndaj nesh në rast se ne nuk i rrëzjmë këta.
Të jemi realistë për këtë.
Gjithçka është hedhur, ne jemi para sfidës dhe çfarë kërkohet: sakrificë, sakrificë, sakrificë.
Kërkohet të zëmë bulevardin gjersa ky të qërohet dhe të shkojë para ligjit, para gjykatës për vjedhjet që ka bërë.
Pra, në një kontekst, PD ecën e sigurt drejt pushtetit.
Por në këtë kuadër, departamenti Brain Gain duhet të gjejë brenda, dhe do të gjejë brenda strukturave tona, të gjithë hapësirat e domosdoshme.
Dhe ky nuk është thjesht interes i PD, jo, ky është interes i shoqërisë shqiptare.
Shoqëria shqiptare e ka të nevojshme, të domosdoshme të shohë të rinj, të reja që i përkushtohen, që dijet e tyre, aftësitë e tyre, i vendosin, i investojnë në projektin e madh transformues për të cilin Shqipëria ka nevojë jetike.
Pra, në këtë kontekst, ridimensonimi i rolit të departamentit, por edhe ridimensionimi i vetë departamentit të rolit të tij dhe të përfshirjes sa më të gjerë, është një shans i madh për PD-në, për opozitën.
Ndalemi për një moment, jemi këtu, unë që po flas, në mënyrë të përsëritur në forume kam bërë thirrje çdo demokrati dhe demokrateje, çdo drejtuesi, të bëni gjithçka për të afruar vlerat në shoqëri drejt nesh.
Dhe jam i bindur se këtë mesazh demokratët, opozitarët e kanë të qartë që është i domosdoshëm.
Por, ne kemi vlerat midis nesh dhe këtyre hapësirën duhet t’ua japim dhe do ua japim.
Unë kam bërë një bisedë informale me këta, këta kanë plot ide se ku mund të angazhohen, ku mund të japin më shumë.
Ne jemi në një kohë të pashembullt.
Ndër të tjera kjo kohë kërkon, duke filluar nga unë dhe secili prej jush, të përshtatemi për veprimtari shumëplanëshe.
Nuk ka kohë.
Koha është e pamëshirë.
Nuk na pret koha.
Ndaj dhe ne duhet të pranojmë të ndërmarrim njëkohësisht veprimtari të shumanshme.
Vetëm në këtë mënyrë ne do mund t’i përgjigjemi misionit historik të përmbysjes së diktaturës autokratike të Edi Ramës.
Shansit historik për përmbysjen e saj.
Urdhëroni se ç’ndodh.
Drejtësinë nuk e njoh, imunitetet nuk i heq, vetëm sa i thurte Lubisë bis në atë monologun e tij dje.
Kështu që garantoj departamentin, duke e falënderuar me shumë mirënjohje për kontributet e tij thelbësore, garantoj në emër të PD se roli i tyre do të ridimensionohet tërësisht në interesin më mirë të shoqërisë shqiptare, para së gjithash, të forcë tonë politike po e po, dhe të opozitës shqiptare.
U uroj edhe njëherë një vit të ri siç doni vetë, me shumë suksese, gëzime dhe të mira dhe u ftoj të vazhdojmë këtë betejë që është edhe shansi i jetës tonë dhe në mënyrë absolute është shansi më i madh i jetës tonë, kontributi më i madh që ne mund të japim për këtë vend dhe komb.
Nuk ndajmë vërtet epoka, por ndajmë Shqipërinë nga e keqja më shkatërrimtare që ajo ka pasur ndoshta në 1 mijë vitet e fundit.
