Një projekt-kartë, e dërguar nga administrata amerikane rreth 60 shteteve, parashikon që vendet anëtare të kontribuojnë 1 miliard dollarë në para cash nëse duan që anëtarësimi i tyre të zgjasë më shumë se tre vjet, sipas dokumentit të siguruar nga Reuters.
“Çdo shtet anëtar do të shërbejë për një mandat jo më të gjatë se tre vjet nga hyrja në fuqi e kësaj Karte, me kusht që rinovimi të miratohet nga Kryetari”, thuhet në dokument, i cili u raportua fillimisht nga Bloomberg News.
Vetë Donald Trump do të mbikëqyrë bordin, ku përfshihen Sekretari amerikan i Shtetit Marco Rubio, i dërguari special Steve Witkoff dhe dhëndri i Trump, Jared Kushner.
“Mandati trevjeçar i anëtarësimit nuk do të zbatohet për shtetet anëtare që kontribuojnë më shumë se 1 miliard dollarë amerikanë në fonde cash për Bordin e Paqes, brenda vitit të parë nga hyrja në fuqi e Kartës.”
