Fatmir Xhafaj do të kishte dashur pa dyshim të ishte vetë në çdo gjykatë të vendit të hynte të inspektonte të kërkonte llogari ashtu siç partia mëmë ia kishte mësuar këtë zanat që para viteve ’90. Por kjo është e pamundur. Dhe pikërisht për këtë arsye në shkelje të hapur të ligjit dhe të Rregullores së Kuvendit “bedelët” që janë dërguar në disa gjykata si mëkëmbës të “babait të reformës” nuk janë zgjedhur aspak rastësisht.
Në variantin më të mirë ata janë deputetë pa asnjë lidhje me drejtësinë. Në variantin më problematik janë deputetë me probleme me drejtësinë. Rasti i Saimir Hasallës është ilustrues Xhafaj e ka dërguar të “monitorojë” Gjykatën e Elbasanit. Hasalla është dhëndri i ish deputetit Aqif Rakipi i larguar nga Parlamenti me ligjin e dekriminalizimit dhe i shpallur non grata nga Departamenti Amerikan i Shtetit. Bashkë me Hasallën në Elbasan ka shkuar për “monitorim” edhe deputetja Aulona Bylykbashi.
Bylykbashi ish nënkryetare e Bashkisë Elbasan ka firmosur jo pak tendera që sot janë në procedurë hetimi nga Prokuroria e Elbasanit dhe nga SPAK. Prania e saj si “monitoruese” në këtë gjykatë është minimalisht një konflikt i hapur interesi dhe realisht një formë presioni ndaj drejtësisë.
Për Gjykatën e Fierit Xhafaj ka zgjedhur një deputet 31 vjeçar Erjo Mile merita kryesore e të cilit duket të jetë angazhimi në forumin rinor të socialistëve dhe një diplomë në psikologji. Bashkë me të në Fier ka shkuar edhe Bledi Çomo jurist me profesion por me përvojë të kufizuar kryesisht në poste lokale nënkryetar i Bashkisë Pogradec dhe sekretar i Këshillit të Qarkut Korçë. Çfarë mund të inspektojnë këta dy deputetë në një gjykatë si ajo e Fierit Çfarë pyetjesh mund t’u drejtojnë gjyqtarëve dhe stafit Përgjigjja mbetet e paqartë.
Edhe më tej në Gjykatën e Shkodrës Xhafaj ka dërguar Onid Bejlerin deputet i ri me profesion inxhinier ndërtimi. Kontakti i tij i vetëm me drejtësinë duket se lidhet me periudhën kur ishte nënkryetar i Bashkisë Shkodër ndoshta atëherë kur “qante hallet” me Benet Becin ndërkohë që ky i fundit ishte i pandehur nga SPAK.
Ndërsa në Gjykatën e Tiranës si mëkëmbës i Xhafajt është shfaqur deputeti i ri i PS djali i aktorit Petrit Malaj. Është e vështirë të imagjinohet se për çfarë mund të ketë biseduar me gjyqtarët e kryeqytetit. Ndoshta nostalgjia për heronjtë pozitivë të realizmit socialist ka qenë tema e vetme që ia vlente të diskutohej në ato ambiente.
E gjithë kjo duket si një shaka e madhe. Por problemi është se serioziteti me të cilin duhet trajtuar kjo çështje nuk duket askund në horizont. I vetmi element i qartë në këtë histori është vetë Fatmir Xhafaj i cili duke shkelur çdo ligj dhe çdo procedurë ka nisur “inspektimin” e gjykatave përmes bedelëve të tij edhe pse këta të fundit ndoshta as nuk e kuptojnë çfarë po bëjnë.
Fakt mbetet se institucionet që duhet t’i kishin treguar vendin këtij akti të paligjshëm janë bërë pjesë e problemit gjykatat që hapin dyert në kundërshtim me ligjin për deputetë pa mandat inspektues ILD dhe KLGJ që zgjedhin të heshtin.
Përpjekja për të vënë drejtësinë nën kontroll nuk është as e re dhe as e panjohur në realitetin shqiptar të viteve të fundit. Ajo që bën diferencën është reagimi. Dhe deri tani i vetmi institucion që duket se u qëndron ende tentakulave të vjetra e të gjata atyre të ish Sigurimit të Shtetit të shkrira butë e ëmbël në politikën e Rilindjes mbetet SPAK./vna
