Lamine Yamal ka arritur një tjetër moment historik në karrierën e tij të hershme, duke kaluar Diego Maradonën për numrin e golave të shënuar me fanellën e Barcelonës. Talenti 18-vjeçar realizoi golin e tij të 39-të për klubin katalanas në fitoren 2-1 ndaj Albacetes, duke lënë pas Maradonën, i cili kishte shënuar 38 gola në 58 ndeshje për Barcelonën.
Megjithatë, statistikat tregojnë se Lionel Messi mbetet ende qartësisht përpara. Ndërsa Yamal kishte nevojë për 135 ndeshje për të kaluar Maradonën, Messit i mjaftuan vetëm 98 takime për të arritur të njëjtin shifër, që në vitin 2008. Diferenca tregon se, edhe pse Yamal e ka arritur këtë rekord në një moshë më të re, Messi kishte një ritëm dukshëm më të shpejtë shënimi në fillimet e tij.
Vetë Messi ka folur shpesh për ndikimin e Maradonës në jetën dhe karrierën e tij. “Për ne argjentinasit, Maradona ishte gjithmonë idhulli ynë më i madh,” ka thënë Messi. “Diego na bëri ta duam futbollin në një mënyrë krejt tjetër.”
Ndërsa Yamal vazhdon të krahasohet me dy legjendat argjentinase, rruga për të arritur nivelet e Messit mbetet ende shumë e gjatë.
