Disa nga figurat më të njohura shqiptare të modës dhe muzikës janë shfaqur së bashku në Los Angeles, duke tërhequr vëmendjen në rrjetet sociale.
Në një imazh të publikuar së fundmi shihen modelja Angela Martini, modelja Briana Bardhi, këngëtarja me famë botërore Rita Ora, modelja Xhesika Berberi si dhe Kleoniki Deligiorgi.
Fotografia, ku secila prej tyre shfaqet elegante dhe në formë të shkëlqyer, ka tërhequr menjëherë reagime të shumta nga ndjekësit, të cilët i kanë quajtur “bukuroshet shqiptare që po pushtojnë botën”.
Takimi i tyre në Los Angeles ka bërë bujë në rrjetet sociale, duke treguar edhe një herë praninë e fortë të figurave shqiptare në skenën ndërkombëtare të modës dhe argëtimit.
