Shtëpia e Bardhë raportohet se po shqyrton masa të reja sigurie për presidentin amerikan, Donald Trump përfshirë përdorimin e mundshëm të një jeleku antiplumb. Ky shqyrtim vjen pas të shtënave të regjistruara në darken e Korrespondentëve të Shtëpisë së Bardhë.
Korrespondenti i Fox News, Peter Ducey, raportoi të dielën se diskutimet janë duke vazhduar në nivelet më të larta rreth mundësisë që Trump mund të ketë nevojë të fillojë të veshë një jelek antiplumb në paraqitjet e ardhshme publike.
Trump është përballur tani me tre kërcënime serioze kundër jetës së tij nga po aq sulmues të armatosur, njëri prej të cilëve për pak sa nuk e plagosi për vdekje në kokë.
Të shtënat me armë zjarri u regjistuar të dielën në darkën vjetore të Shoqatës së Korrespondentëve të Shtëpisë së Bardhë. Darka sapo kishte filluar kur një rrëmujë e madhe u dëgjua në hyrje të sallës.
Të pranishmit menjëherë u shtrinë në dysheme. Presidenti dhe zonja e parë Melania Trump, të cilët ishin ulur në tryezën qendrore në një vend të ngritur përballë mysafirëve, u larguan nga rojet e sigurisë.
Agjentët e shërbimit sekret hynë në dhomë të armatosur rëndë. Forcat e sigurisë më pas urdhëruan mysafirët, gazetarë, ministra, politikanë dhe personalitete të ndryshme, të largoheshin nga salla e madhe që ndodhej në bodrumin e parë të hotelit. Autori i ngjarjes menjëherë u arrestua ndërsa vijonë hetimet.
