Ish presidenti i Republikës, Ilir Meta ka lënë sërish sot qelinë për të pritur ngushëllime për ndarjen nga jeta të babait të tij Rexhep Meta.
Kreu i Partisë së Lirisë është shoqëruar nga efektivë të policisë së burgjeve në hotelin ku do të zhvillohen pritjet.
Nuk kishte si të mungonte edhe vizita e kreut të Partisë Demokratike, Sali Berisha, i cili është parë teksa hynte në hotel për t’i shprehur ngushëllimet Ilir Metës.
Kujtojmë që edhe ditën e djeshme, Ilir Meta mori leje nga Drejtoria e Burgjeve për të marrë pjesë në ceremoninë e varrimit të babit të tij në fshatin Çepan të Skraparit.
