Emily Blunt u shfaq si një yll i vërtetë në premierën britanike të filmit të saj Disclosure Day, e cila u mbajt të enjten në Cineworld IMAX Leicester Square në Londër.
Aktorja britanike, 43 vjeç, tërhoqi vëmendjen me një fustan korset ngjyrë lejla me shkëlqim, ndërsa iu bashkua kolegëve të saj dhe të ftuarve të shumtë në tapetin e kuq.
Emily, e cila konsiderohet një pretendente serioze për çmimet Oscar, shkëlqeu me këtë fustan pa rripa dhe e kompletoi paraqitjen me një manikyr në të njëjtën ngjyrë, shkruan “Daily Mail”.
Në premierë ajo shoqërohej nga motra e saj elegante, Felicity Blunt, si dhe nga kunati i saj, Stanley Tucci.
Ylli i filmit The Devil Wears Prada ka marrë vlerësime të shumta për interpretimin e saj “të jashtëzakonshëm” në epikën fantastiko-shkencore të Steven Spielberg.
Filmi fantastiko-shkencor, i cili do të dalë në kinema më 12 qershor, e paraqet Emily-n në rolin e Margaret Fairchild, një meteorologe nga Kansas City dhe ish-gazetare, e cila gjendet në qendër të një komploti të madh qeveritar që po zbulohet.
Interpretimi i Emily-t është vlerësuar si “i jashtëzakonshëm”, ndërsa ajo luan përkrah Josh O’Connor, Colin Firth, Eve Hewson dhe Colman Domingo në skenarin e shkruar nga David Koepp.
Për herë të parë u raportua në prill të vitit 2024 se projekti i ardhshëm i Spielberg do të ishte një film për UFO-t, ndërsa xhirimet u zhvilluan nga shkurti deri në maj të vitit të kaluar në New York, New Jersey dhe Atlanta.
