Aktorja Demi Moore u pa plot energji teksa largohej nga showroom-i i Balenciaga në Paris pas një prove veshjesh të martën, duke mbajtur një çantë luksoze me vlerë rreth 3,400 paund.
Ylli 63-vjeçar ndodhet në kryeqytetin francez për Javën e Modës Haute Couture dhe dukej në humor të shkëlqyer pas vizitës te shtëpia prestigjioze e modës.
Për këtë dalje, Demi kishte zgjedhur një kombinim elegant të zi, të përbërë nga bluzë dhe fund me detaje vezulluese. Ajo e kompletoi pamjen me syze të errëta, sandale me taka të holla dhe çantën ikonike Rodeo të Balenciaga-s, e cila kushton rreth 3,400 paund, shkruan “Daily Mail”.
Prova e veshjeve vjen një ditë përpara sfilatës së Balenciaga-s, që zhvillohet të mërkurën, ku Demi pritet të jetë e pranishme dhe të zërë vend në rreshtin e parë të të ftuarve VIP (FROW).
Aktorja i kishte mbledhur flokët e errët mbrapa dhe kishte zgjedhur një grim natyral, duke ruajtur stilin e saj të rafinuar.
Vizita e saj në Paris vjen menjëherë pasi u raportua se Demi Moore ka siguruar një rritje të konsiderueshme të pagesës për sezonin e tretë të serialit “Landman”, produksion i krijuar nga Taylor Sheridan, autori i suksesshëm i “Yellowstone”.
