Travis Kelce ka folur për herë të parë publikisht për martesën e tij me Taylor Swift, më shumë se një muaj pas ceremonisë.
Çifti u martua në Madison Square Garden në Nju Jork, ndërsa deri më tani detajet për ngjarjen e madhe kanë ardhur kryesisht nga të ftuarit, ndërsa dy të sapomartuarit kanë qëndruar të heshtur, shkruan Unilad.
Kelce foli për martesën sot gjatë një konference për shtyp të Kansas City Chiefs. “Ishte një shkëputje e bukur nga sezoni. Dasma ishte nata më e mirë e jetës sime dhe u jam mirënjohës të gjithëve që erdhën, festuan dhe u argëtuan me ne”, tha ai.
“Pothuajse kaq mund të them për atë natë. Ishte çmenduri, pati shumë festime. Por, e dini, tani është sërish futbolli, plak”, shtoi Kelce me humor.
Kelce u ndal edhe te dasma në Madison Square Garden.
“MSG, plak. Gjithmonë kam thënë se do të shkoja atje për të parë një ndeshje play-off kur Knicks të ishin të mirë. Gruaja ime kishte qenë në një ndeshje, ndërsa unë isha në përgatitje dhe e humba atë mundësi”, tha ai.
Ai shtoi se ishte “shumë bukur të realizoja një ëndërr të fëmijërisë dhe të isha në atë sallë”.
“Është arena sportive më e famshme në botë dhe unë arrita të martohem aty”, tregoi ai.
Në fund, Kelce bëri edhe një shaka duke zbuluar se çfarë i pëlqeu më shumë nga dasma: “Kondicioneri funksiononte në mënyrë perfekte, kjo ishte pjesa më e mirë.”
