Dhjetëra akullnaja në Zvicër mund të zhduken, ndërsa vendi po përballet me atë që pritet të jetë shkrirja e dytë më e madhe e akullnajave e regjistruar ndonjëherë, raportoi Swissinfo, transmeton Anadolu.
“Jemi në rrugën drejt shkrirjes së dytë më të madhe të akullnajave që kemi regjistruar ndonjëherë”, ka thënë glaciologu Matthias Huss për agjencinë e lajmeve Keystone-SDA, sipas raportimit.
Huss ka thënë se shumë akullnaja të vogla mund të zhduken këtë vit, duke vlerësuar se akulli i mbetur në rreth 20 deri në 30 akullnaja mund të shkrihet plotësisht.
Mbulesa e ulët e borës në akullnaja pas dimrit, e shoqëruar me valën e fortë të të nxehtit që mbërriti herët gjatë verës, u përmendën si dy faktorë kryesorë që po nxisin shkrirjen e madhe.
