Kylie Minogue ka rikthyer nostalgjinë e një prej momenteve më ikonike të karrierës së saj, duke ndarë disa fotografi të vjetra me kostumin legjendar të këngës “Can’t Get You Out of My Head”.
25 vite pas publikimit të hitit që e shndërroi në një nga yjet më të mëdhenj të muzikës pop, Minogue ka sjellë sërish në vëmendje look-un e famshëm, ndërsa kënga ka arritur një tjetër sukses të jashtëzakonshëm.
“Can’t Get You Out of My Head” ka kaluar shifrën prej 1 miliard transmetimesh në Spotify, duke dëshmuar se hiti i vitit 2001 vazhdon të jetë po aq i dashur edhe për brezat e rinj.
Në fotografitë e publikuara, Kylie kujton epokën ikonike të këngës, duke u dhënë fansave një dozë të fortë nostalgjie. Edhe pas 25 vitesh, kënga dhe imazhi i saj vazhdojnë të mbeten pjesë e kulturës pop.
