Jemeni po përballet me një valë të re dhe alarmante të zhvendosjes së popullsisë, teksa mbi 313,000 persona janë detyruar të braktisin vatrat e tyre që nga fillimi i muajit gusht.
Shifrat dramatike janë bërë publike nga Zyra e OKB-së për Koordinimin e Çështjeve Humanitare (OCHA), e cila thekson se situata vijon të mbetet jashtëzakonisht kritike.
Sipas të dhënave, mbi 40 për qind e totalit të personave të zhvendosur janë shpërngulur duke rënduar edhe më shumë barrën mbi komunitetet pritëse dhe strukturat e kufizuara lokale.
Përkeqësimi i kushteve të sigurisë dhe lëvizjet masive të popullsisë kanë sjellë gjithashtu një kolaps të plotë të shërbimeve jetike.
Fondi i Popullsisë i OKB-së në Jemen ka bërë të ditur se më shumë se 80 për qind e spitaleve dhe qendrave mjekësore në qytetin e Taizit janë aktualisht jashtë funksionit.
Ky bllokim i strukturave shëndetësorë vjen si pasojë e drejtpërdrejtë e mungesës kritike të karburantit për gjeneratorët dhe e largimit apo mungesës së personelit mjekësor, duke lënë mijëra qytetarë të plagosur dhe të sëmurë pa asnjë lloj ndihme mjekësore në orët e tyre më të vështira.
