Ylli televiziv britanik, Vicky Pattison, ka tërhequr vëmendjen me fotografitë e publikuara gjatë një fundjave relaksi në një qendër spa në Seaham Hall, pranë Newcastle, ku po qëndronte së bashku me bashkëshortin e saj, Ercan Ramadan.
38-vjeçarja u shfaq me bikini ngjyrë vjollcë me motive, teksa pozonte pranë xhakuzit dhe shijonte disa momente qetësie. Ish-ylli i spektaklit Geordie Shore duket se po e shfrytëzon kohën e lirë për t’i treguar bashkëshortit më shumë nga vendi ku është rritur.
Përmes një postimi në rrjetet sociale, Pattison ka treguar se, ndonëse jeton në Londër prej rreth 12 vitesh dhe e vlerëson jetën që ka ndërtuar atje, i mungon shumë vendlindja e saj.
Ajo ka pranuar se ndjenja e mallit mund të jetë shtuar edhe nga mendimet për zgjerimin e familjes dhe dëshira për ta pasur pranë nënën dhe motrën në një periudhë kaq të rëndësishme të jetës.
“E dua këtë jetë të vogël që kemi krijuar në Londër, miqtë që kam bërë dhe punën time të mrekullueshme, por më mungon shumë vendlindja”, ka shkruar ajo.
Pattison ka shtuar se mendimi për t’u bërë nënë për herë të parë, pa pasur pranë nënën dhe motrën, e bën të ndihet disi e pasigurt.
Ajo gjithashtu ka zbuluar se gjatë verës kishte marrë pjesë në xhirimet e emisionit Escape to the Country, i cili pritet të transmetohet në periudhën e Krishtlindjeve.
Ndërkohë, Vicky duket se ka nisur një mision personal për ta bërë bashkëshortin të dashurohet me verilindjen e Anglisë, me shpresën që një ditë të rikthehen të jetojnë pranë vendlindjes së saj.
