Ballina Europë Shtëpi me 1 euro në Itali? Gazetari i njohur zbulon si qëndron...

Shtëpi me 1 euro në Itali? Gazetari i njohur zbulon si qëndron e vërteta

60
0

Gazetari Arbër Agalliu ishte këtë të diel i ftuar në një intervistë televizive ku ndër të tjera foli edhe për banesat të cilat po shiten me 1 euro në Itali.

Ai tha se e vërteta e kësaj politike, është se në fillim ka dështuar, por kohët e fundit duket se po funksionon më së miri dhe po kthehet në një “bum” ekonomik për këto qyteza, të cilat kryesisht banohen vetëm nga të moshuarit.

Agalliu tha se zakonisht këto banesa që shiten me 1 euro, janë banesa që nuk kanë pasur trashëgimtar dhe kanë kaluar në dorëzim të komunave në Itali, ndërsa shtoi se kohët e fundit, blerësit kryesor të këtyre pronave janë amerikanët.

“Italia është shumë më e madhe se Shqipëria, italianët gjenden në përgjithësi me dy shtëpi si pronë e patundshme. Shpesh në momentin që një shtëpi mbetet pa një pronar dhe herë-herë në këto qyteza të jugut kanë mbetur vetëm të moshuarit, në momentin kur edhe i moshuari ndërron jetë, prona i kalon komunës, në rast se nuk ka pasardhës.

Kjo ideja e shtëpive me 1 euro është tërheqëse jo vetëm për rikthimin e stërnipërve nga vende të tjera të botës por edhe për turizmin. Shumica e këtyre shtëpive po blihen nga amerikanë. Normale më pas hyjnë në lojë disa politika që nga bashkia në bashki ndryshojnë. Por për shumë kjo politik e shtëpive me 1 euro ka filluar në vitin 2004 në rajonin e Siçilisë. Në fillim kjo ka qenë dështim, por më pas kjo është shndërruar në një “bum” ekonomik për këto qyteza.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu