Ballina Politika Neritan Liçaj: O pinjollë të Enver Hoxhës, Berishën nuk e përkulni dot...

Neritan Liçaj: O pinjollë të Enver Hoxhës, Berishën nuk e përkulni dot kurrë. Ne nuk na mposhti dot Roma e Bizanti, jo më ju

38
0

Edhe dje, 20-30 mbështetësit e Sali Berishës, i cili ndodhet në arrest shtepie, janë mbledhur poshtë banesës së tij në protestë, ndërsa mes tyre ka qenë edhe aktori Neritan Liçaj.

Ai u shpreh se “pinjollët e Enver Hoxhës janë edhe sot në pushtet” dhe se sërish duhet që demokracia dhe liria t’i jepen popullit shqiptar duke e nisur nga rrugicat e Tiranës si para 34 vitesh.

Liçaj theksoi se dihet mirë që Berishën nuk do mund “ta përkulin kurrë”, gjë që sipas tij e dinë SPAK, rilindja, media, etj.

“Pinjollët e Enver Hoxhës janë edhe sot në pushtet, kemi po të njëjtët Spiro Koleka etj. Mua më vjen keq për një gjë, që pas 34 vitesh ne përsëri duhet ta nisim nga rrugicat e Tiranës për t’i sjellë demokraci dhe liri gjithë popullit shqiptar. Jemi një popull që kemi luftuar shumë, por gjithmonë jemi ngritur.

Nuk na mposhti dot Roma, Bizanti dhe nuk do të na mposhtin kurrë për sa kohë do të ketë zemra të lira që rrinë përballë regjimit të Edi Ramës të përzierë me pak liberalizëm, komunizëm e fashizëm. E dimë mirë që Berishën nuk do e përkulin kurrë, e di SPAK, Rilindja, mediat, sorosistët, etj”, tha ai mes të tjerash.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu