Ambasadorët e vendeve anëtare të BE-së kanë miratuar njëzëri marrëveshjen e arritur më pak se dy muaj më parë mes Këshillit dhe Parlamentit të BE-së për rregullat për inteligjencën artificiale.
Teksti i plotë më pas do të duhet të kalojë me votat e Këshillit dhe Parlamentit.
Bashkimi Evropian do të ketë ligjin e parë në botë që trajton në mënyrë gjithëpërfshirëse zhvillimin e sektorit.
Qëllimi i legjislacionit është të sigurojë që AI mbron të drejtat themelore, demokracinë, sundimin e ligjit dhe qëndrueshmërinë mjedisore, duke stimuluar inovacionin dhe duke e bërë Evropën lider në këtë sektor.
Negociatorët ranë dakord për një sërë masash mbrojtëse për përdorimin e sistemeve të identifikimit biometrik.
