Ballina Kosovë Osmani takohet me Ramën në Washington, zbardhet çka diskutuan

Osmani takohet me Ramën në Washington, zbardhet çka diskutuan

11
0

Presidentja e Republikës së Kosovës, Vjosa Osmani, e cila po qëndron për vizitë në Washington, në margjina të samitit të NATO-s ka takuar kryeministrin e Shqipërisë, Edi Rama.

Në njoftimin e lëshuar për media, Presidenca e Kosovës ka treguar se për çfarë kanë diskutuar dy liderët shqiptarë.

“Në takim, të dy liderët diskutuan lidhur me rëndësinë e ecjes përpara në rrugën euroatlantike të Kosovës, e në veçanti për hapat e domosdoshëm drejt anëtarësimit në NATO, aleancë kjo jetike për sigurinë dhe paqen në rajonin tonë e më gjerë.

Presidentja Osmani theksoi se ky takim shërben për t’i koordinuar qëndrimet dhe përpjekjet tona të përbashkëta në mënyrë që edhe Kosova, sa më parë, t’i bashkohet Shqipërisë dhe shteteve tjera aleate si anëtare me të drejta të plota në NATO, aty ku edhe e ka vendin”, thuhet në njoftimin nga Presidenca e Kosovës.