Javier Mascherano ka dhënë dorëheqjen në mënyrë të papritur nga posti i trajnerit të Inter Miami, vetëm katër muaj pasi udhëhoqi ekipin e Lionel Messit drejt lavdisë në Kupën MLS. Mascherano konfirmoi se vendimi erdhi për arsye personale.
“Dua të njoftoj se, për arsye personale, kam vendosur t’i jap fund mandatit tim si trajner kryesor i Inter Miamit. Para së gjithash, dua të falënderoj klubin për besimin, të gjithë stafin për përpjekjen e tyre kolektive, por veçanërisht lojtarët, të cilët bënë të mundura momente të paharrueshme.
Gjithashtu falënderoj tifozët dhe familjen e klubit, sepse pa ta asgjë nga kjo nuk do të kishte qenë e mundur. Gjithmonë do ta mbaj kujtimin e trofeut tonë të parë afër zemrës sime dhe, kudo që të shkoj, do të vazhdoj t’u uroj atyre fat të mbarë”- tha ai. Mascherano drejtoi skuadrën për 67 ndeshje.
