Autoritetet në Podgoricë kanë shpallur në kërkim një shtetas nga Rozhaja, Vehid Murić, i dyshuar si autor i vrasjes së trefishtë që ndodhi sot në një lagje të qytetit.
Sipas policisë, i dyshuari besohet se ka vrarë tre persona gjatë natës në një apartament me qira, ku ai ndodhej së bashku me viktimat, me të cilët punonte në një kantier ndërtimi.
Pas ngjarjes, Murić dyshohet se është larguar nga vendi i krimit dhe është kthyer në qytetin e tij të lindjes, Rozhajë. Aty, sipas hetimeve paraprake, ai ka ushtruar edhe dhunë ndaj nënës së tij në banesën familjare.
