Këngëtarja dhe personaliteti televiziv Kerry Katona ka përjetuar një moment të frikshëm shëndetësor, pasi u dërgua me urgjencë në spital për shkak të simptomave që u dyshuan si goditje në tru.
Ngjarja ndodhi ndërsa ajo ndodhej në Londër për të ndjekur një shfaqje ku performonte vajza e saj, kur papritur filloi të ndjehej keq dhe vuri re ndryshime në fytyrë dhe në të folur, shkruan Daily mail.
Ishte vajza e saj Heidi ajo që vuri re se diçka nuk ishte në rregull, pasi Katona nuk mund të buzëqeshte normalisht, gjë që e shtyu të kërkonte menjëherë ndihmë mjekësore.
Ajo u transportua me ambulancë dhe mjekët fillimisht e trajtuan rastin si një goditje në tru, pasi simptomat përfshinin dobësi në fytyrë dhe vështirësi në të folur.
Pas ekzaminimeve dhe skanimeve, mjekët përjashtuan goditjen në tru dhe arritën në përfundimin se gjendja e saj ishte shkaktuar nga stresi i vonuar, i cili mund të ketë efekte fizike të ngjashme.
Megjithatë, Katona ka treguar se ende përjeton disa pasoja si ndryshime në të folur dhe dhimbje koke të herëpashershme, por pritet të rikuperohet me terapi dhe ushtrime të veçanta.
Ajo e përshkroi këtë përvojë si një nga momentet më të frikshme të jetës së saj, duke shtuar se situata e ka rritur ndjeshëm ankthin për shëndetin.
Pavarësisht kësaj, Katona vazhdon të jetë pozitive dhe planifikon të ndjekë trajtime të mëtejshme për t’u rikthyer plotësisht në gjendje normale.
