Edlir Tetova e mbylli përfundimisht sot me Egnatian. Dhe pse ishte thënë që do pritej përfundimi i sezonit, palët ndanë rrugët.
Nevil Dede është emri që ka dalë në skenë për të pasuar Edlir Tetovën. “Panorama Sport” mëson se dhe pse ka bisedime mes palëve, për momentin asgjë nuk është vendosur.
Ky është një moment delikat për kampionët e Shqipërisë. Dhe pse kanë siguruar pjesëmarrjen në Final Four dhe finalen e Kupës së Shqipërisë, sezoni mbetet në rrezik.
Egnatia regjistron katër humbje radhazi në kampionat. Sfida e radhës është ndaj Partizanit në Rrogozhinë.
