Aktorja fituese e Oscarit, Cate Blanchett, ishte një nga figurat kryesore në ceremoninë ku regjisori i njohur Guillermo del Toro u nderua me çmimin prestigjioz BFI Fellowship në Londër.
Ky vlerësim konsiderohet nderimi më i lartë i institucionit britanik të filmit dhe i është dhënë del Toro për kontributin e jashtëzakonshëm në industrinë kinematografike, shkruan Daily mail.
Blanchett u shfaq elegante në event, ku morën pjesë shumë emra të njohur të botës së filmit dhe televizionit për të festuar karrierën e regjisorit meksikan.
Gjatë mbrëmjes u vlerësua puna e del Toro në filma ikonë si Pan’s Labyrinth, The Shape of Water, Hellboy dhe Frankenstein, projekte që e kanë bërë një nga regjisorët më të vlerësuar të brezit të tij.
BFI organizoi gjithashtu një sezon special filmash dhe eventesh kushtuar krijimtarisë së tij, duke përfshirë diskutime publike dhe retrospektiva të veprave më të njohura.
Cate Blanchett, e cila vetë është fituese e këtij çmimi që nga viti 2015, u pa duke bashkëbiseduar dhe festuar me del Toro gjatë eventit.
Mbrëmja u konsiderua si një festë e rëndësishme për artin kinematografik, duke bashkuar figura të mëdha të industrisë në nder të një prej regjisorëve më kreativë të kohës moderne.
Ky nderim konfirmon edhe një herë ndikimin global të Guillermo del Toro në botën e filmit dhe respektin që ai gëzon në industrinë ndërkombëtare të kinemasë.
