Pasi ditën e djeshme kryeministri grek Kyriakos Mitsotakis, gjatë një interviste televizive njoftoi se zgjedhjet e ardhshme do të mbahen në pranverën e vitit 2027, sot ka nisur turin e takimeve.
Motoja e forcës politike “Demokracia e Re” është “Çdo ditë ka rëndësi.” Ky takim nisi nga Rodosi, ku partia qeverisëse planifikon të theksojë arritjet e saj të fundit dhe të zhvillojë një program të ri qeverisës të titulluar “Axhenda 2030” nën drejtimin e zëvendëskryeministrit Kostis Hatzidakis.
Qeveria synon t’i japë përparësi përmirësimit të nivelit ekonomik për familjet dhe qytetarët e klasës së mesme, duke ruajtur njëkohësisht bazën e saj sociale.
Mitsotakis e ka nisur takimin me palët e interesuara të turizmit dhe qytetarët, si pjesë e strategjisë së tij të vazhdueshme kombëtare të mobilizimit.
Një vizitë në Atikën Perëndimore është planifikuar për të martën e ardhshme, kur pritet të nënshkruhet kontrata për kryqëzimin në Skaramangas, një projekt infrastrukturor me ndikim të rëndësishëm zhvillimor për zonën.
Mediat greke raportojnë se vizitat e kryeministrit nuk janë thjesht simbolike. Ato janë pjesë e një strategjie më të gjerë që lidh praninë politike me promovimin e projekteve dhe arritjeve qeveritare.
