Prezantuesja dhe ylli televiziv britanik, Amanda Holden, ka hyrë plotësisht në ethet e Kupës së Botës 2026, duke tërhequr vëmendjen me një paraqitje plot stil para ndeshjes së parë të Anglisë në turne.
55-vjeçarja pozoi e veshur me uniformën e kombëtares angleze, të cilën e kombinoi me taka të larta të bardha, duke sjellë një interpretim glamur të frymës futbollistike. Fotot u realizuan në kuadër të emisionit “Heart Breakfast”, ku Holden u shfaq në humor të mirë së bashku me kolegët e saj.
Paraqitja e saj vjen në prag të debutimit të Anglisë në Kupën e Botës 2026, ku “Tre Luanët” nisin rrugëtimin e tyre ndaj Kroacisë.
Me stilin e saj karakteristik dhe energjinë pozitive, Amanda Holden dëshmoi edhe një herë se di si të kombinojë modën dhe sportin, duke u bërë një nga emrat më të komentuar në rrjetet sociale para sfidës së rëndësishme të Anglisë.
