Qeveria ka emëruar Valdrin Pjetrin në detyrën e drejtorit të Agjencisë së Trajtimit të Pronave.
Vendimi u miratua në mbledhjen e sotme të Këshillit të Ministrave, ku njëkohësisht u vendos edhe shkarkimi nga detyra i Benard Palajt, i cili ishte emëruar në krye të institucionit vetëm disa muaj më parë.
Kujtojmë që Valdrin Pjetri në vitin 2019 u propozua nga Rama për kryetar të Bashkisë Shkodër.
Më pas, pas publikimit të të dhënave se ai rezultonte i dënuar në Itali për një çështje të lidhur me narkotikët, Pjetri u tërhoq nga marrja e mandatit.
Pas disa vitesh i tërhequr nga detyrat publike, por i përfshirë aktivisht në punët e partisë dhe mbledhjes së votave, Edi Rama e shpërblen kështu Valdrin Pjetrin duke e emëruar në krye të Agjencisë së Trajtimit të Pronave.
