Pasi ka urdhëruar policinë të dhunojë barbarisht qytetarët që i gjyajtën deputetët e ministrat me veze para parlamentit, Edi Rama ka publikuar në rrjetet sociale atë që ai e paraqet si një bisedë të pretenduar në një grup WhatsApp të organizatorëve të protestës, ku diskutohen objektivat dhe strategjia e lëvizjes.
Në vend të këkojë falje dhe të distancohet nga dhuna e policisë, Rama i hedh benzinë zjarrit duke bërë rolin e përgjuesit të grupeve të whatsapp-it të qytetarëve, ku për çdo rast gjen armiq imagjinarë që duan t’i rrëmbejnë fronin.
Sipas Ramës, materiali i është dërguar nga një qytetar, i cili i ka përcjellë me “forëard” bisedat e zhvilluara aty.
Në postimin e tij, Rama shkruan se bëhet fjalë për atë që ai e cilëson si “planet madhështore” të organizatorëve të protestës, ndërsa shton se mesazhet flasin vetë për nivelin e drejtimit të tyre.
Mes tyre përmenden kërkesa që dorëheqja e kryeministrit të jetë “kushti i parë dhe i panegociueshëm”, krijimi i një qeverie teknike përpara zgjedhjeve të parakohshme, informimi i Presidentit dhe partnerëve ndërkombëtarë, hapja e një fronti ligjor për ndryshime kushtetuese dhe në ligjin për referendumet, si edhe përdorimi i censusit të popullsisë si bazë për përgatitjen e zgjedhjeve të reja.
Mesazh forward nga qytarari i publikuar nga Rama
“1. Mendoj se fokusi te doreheqja e panegociueshme. Nuk duhet te humbim kohe duke kerkuar ndryshime ligjesh specifike. Rama eshte mjeshter i propagandes. Po kerkuam ligje, do t’i shfuqizoje taktikisht, do thote “jua plotësova kerkesat” dhe do te mbaje karrigen. Doreheqja eshte kushti i pare dhe i panegociueshem!
Ne ndryshim nga avokati duke mos krijuar qeveri teknike, kalimi direkt ne zgjedhje te parakohshme eshte kurth. Nuk ka kohe fizike per krijimin dhe regjistrimin e partive te reja nga radhet e protestes. Qeveria teknike ngrin sistemin, garanton paanshmeri dhe u jep kohe(9-12muaj) forcave te reja te organizohen si te barabarta.
Presidenti dhe trupa diplomatike (Ambasadat SHBA/BE) duhet te vihen ne dijeni menjehere permes nje dokumenti te protokolluar zyrtarisht. Nderkombetaret mbeshtesin procedurat ligjore; kur shohin dokument zyrtar, na njohin si levizje shtetformuese dhe jo si revolte rruge.
Hapja e Frontit Ligjor (KQZ & Kushtetuese). Duhet te pergatitet qe tani kerkesa per ndryshimin e Kushtetutes dhe Ligjit per Referendumet. Nuk kemi kohe per te humbur. Duke depozituar kerkesen ne KQZ, hapim nje proces zyrtar me afate ligjore dhe krijojme nje presion te dyfishte: popullin ne rruge dhe popullin me letra ne dore duke firmosur neper tenda.
Censusi per regjistrimin e popullsise eshte baza per pregatitjen e zgjedhjeve te reja”
Rama citon dhe mesazhin e dërguar nga qytetari i cili i shkruan që të mos ta çojë nëpër mend të japë dorëheqjen.
“Zoti kryeministër! As mos e ço nëpër mend të dorëhiqesh dhe këtë po ta them unë, një njeri që s’të do, po që e kuptova si protestues i ndodhur me lloj-lloj soj intelektualësh gjoja nëpër grupe ËhatsApp se ti o Ramses je e keqja më e vogël! Shih çfarë deliresh dhe jo me flamingo s’kanë punë këta, po janë një racë derri që edhe duan pushtet dhe nuk mbushin hiç. Pupupu o Zot”, thuhet në mesazhin e publikuar nga Rama.
