Aktivistja Sidorela Vatnikaj, ka debatuar me deputeten e Partisë Socialiste, Sara Mila, për koncertin e Kanye West.
Vatnikaj tha se 4.2 milionë eurot që Edi Rama i dha West për koncertin e tij privat, duhet të ishin përdorur në sistemin shëndetësor.
Pjesë nga debati:
Sidorela Vatnikaj: Ne vijmë për të diskutuar ide, kur kemi përballë përfaqësues të qeverisë përfundojmë duke dekonstruktuar të pavërteta. Është e pavërtetë që protesta është bërë për rahmet, pasi është në ditën e 44. Është e pavërtetë të thuash që ishte Kanye West që vendosi Shqipërinë në mediat ndërkombëtare, pasi ka 44 ditë që flet e gjithë media botërore, kundër korrupsionit të Edi Ramës, krimit të organizuar që ka futur në Shqipëri dhe medias së kapur që mbështet Ramën.
Sara Mila: Po bëjmë garë tani? Nuk janë shqiptarë ata që kanë shkuar në koncert?
Sidorela Vatnikaj: Janë nga shkollat 9 vjeçare, të gjithë patronazhistët, sistemin e mësuesve.
Sara Mila: Të anatemosh një koncert të lirë… Të anatemohen njerëzit sepse shkojnë në koncert, është e tmerrshme. Ka njerëz që shkojnë edhe në protestë edhe në koncert.
Sidorela Vatnikaj: Fakti që bërtet nuk do të thotë se ke të drejtë. Është ofenduese, përveçse vjedhje ndaj qytetarëve, që 4.2 mln euro që iu dhuruan Kanyë West nuk i shkojnë QSUT, që sot njerr shpallje që nuk ka shtretër dhe kompjuter.
Sara Mila: Këta duan që të rinjtë me dhunë të rrinë në protestë.
Sidorela Vatnikaj: Pse nuk ia dhatë QSUT 4 mln euro?
Sara Mila: Ç’ke moj ti, se do ti japim edhe QSUT. Një vend ka edhe spitalin, edhe argëtimin edhe qejfin.
Sidorela Vatnikaj: Më shumë duhet Kanyë West sesa ilaçet në QSUT?
