Të paktën 18 persona kanë humbur jetën në një aksident të rëndë rrugor në veri të Egjiptit, ku dy kamionë të vegjël, që transportonin punëtorë bujqësorë, u përplasën me njëri-tjetrin.
Ngjarja ka shkaktuar tronditje të madhe, ndërsa të dhënat paraprake tregojnë se një pjesë e madhe e viktimave ishin të mitur. Sipas një burimi mjekësor të cituar nga AFP, shumica e të vdekurve ishin adoleshentë 13 dhe 14 vjeç.
Ndërkohë, media egjiptiane Al-Masry Al-Youm raportoi se viktima më e vogël ishte vetëm 10 vjeç.
Autoritetet kanë nisur hetimet për të zbardhur rrethanat e aksidentit dhe për të përcaktuar shkakun e përplasjes tragjike.
