Aktorja e njohur Katie Holmes ka bërë publike lidhjen e saj me artistin Jason Bard Yarmosky, duke zgjedhur një rast mjaft të veçantë për ta bërë këtë – ditëlindjen e partnerit të saj.
Holmes publikoi në Instagram një fotografi ku shfaqet së bashku me Yarmosky-n, teksa të dy ndajnë mikrofonin, ndërsa krahas imazhit shkroi: “Gëzuar ditëlindjen më të mirit nga më të mirët… ❤️”.
Një tjetër moment i ëmbël i çiftit është kapur nga mikja e tyre, Shantell Martin. Ajo publikoi një video ku Holmes dhe Yarmosky përqafohen pasi artisti fik qirinjtë e tortës së ditëlindjes.
Postimi i Katie Holmes vjen pas disa muajsh spekulimesh për një lidhje mes tyre. Dyshja është parë në raste të ndryshme së bashku në New York City, duke tërhequr vëmendjen e fansave dhe mediave rozë.
Në muajin korrik, një dëshmitar i tha “ET” se Holmes dhe Yarmosky dukeshin shumë të afërt dhe silleshin si një çift që ndodhej në fazat e para dhe më romantike të lidhjes.
Tashmë, me postimin e saj në Instagram, Katie Holmes duket se ka vendosur t’i japë fund spekulimeve dhe ta bëjë lidhjen me artistin publikisht.
