Aktorja britanike Hannah Waddingham tërhoqi vëmendjen me paraqitjen e saj në Javën e Modës në Paris, ku mori pjesë në shfaqjen e koleksionit Akris Womenswear Spring/Summer 2027, të dielën.
52-vjeçarja zgjodhi një veshje elegante dhe dramatike, me një pelerinë të veçantë dhe një fund të zbukuruar me pupla, të cilat i kombinoi me këpucë klasike me taka, shkruan Daily Mail.
Waddingham, e cila kishte stiluar flokët e saj bionde platin në një model voluminoz, e kompletoi pamjen me syze të mëdha dhe vathë të artë në formë rrethi.
Brenda eventit, aktorja u takua me modelen e njohur Coco Rocha, një tjetër emër i rregullt në Javën e Modës në Paris. Rocha tërhoqi vëmendjen me një veshje të artë, të përbërë nga dy pjesë.
Koleksioni i Akris
Koleksioni i Akris vazhdon të reflektojë stilin e stilistit Albert Kriemler, me fokus te prerjet e rafinuara, materialet luksoze dhe eleganca e përmbajtur. Koleksioni ndërthur silueta të strukturuara me veshje më të rrjedhshme dhe praktike.
Paraqitja e Hannah Waddingham në Paris vjen vetëm pak ditë pasi një video e saj duke i rregulluar flokët Tom Cruise gjatë premierës së filmit Digger u bë virale në rrjetet sociale.
Fansat reaguan me humor ndaj momentit, duke komentuar se Waddingham po sillej me yllin e Hollywood-it “sikur të ishte Ted Lasso”, duke iu referuar personazhit të saj të famshëm Rebecca Welton në serialin Ted Lasso.
