Kryeministri Edi Rama ka reaguar për protestën, duke akuzuar Partinë Demokratike se qëndron pas akteve të dhunës në Tiranë. Rama ka ndarë pamjet nga djegia e “sofrës së dialogut” që kishte vendosur para kryeministrisë.
Rama e cilësoi PD-në si “mëmën e dhunës”, duke e lidhur atë me shkatërrimet e shkaktuara gjatë protestave dhe duke akuzuar protestuesit se janë fshehur pas maskës së studentëve.
“Ja edhe mëma e dhunës, Partia Demokratike, që pasi dogji e shkatërroi me maskat e kinse ‘studentëve’ bashkë me ANTIFAN e me dhunuesit e tjerë të Tiranës, doli sot për të drejtën e autorit të terrorit urban…”, shkruan Rama.
