Një 42-vjeçar me precedentë kriminalë është arrestuar nga Policia në zonën e liqenit të Çekrezës, pasi dyshohet se lëvizte i armatosur dhe posedonte lëndë narkotike.
Në kuadër të operacionit të koduar “Kontigjenti”, shërbimet e Komisariatit të Policisë Nr. 5 në Tiranë organizuan ndërhyrjen pas informacioneve se një person i armatosur lëvizte në afërsi të liqenit.
Gjatë kontrollit fizik, uniformat blu i gjetën shtetasit Zyber Bami, 42 vjeç, një pistoletë me mulli, municionin përkatës, si dhe një sasi lënde të dyshuar narkotike kokainë.
Sipas Policisë, 42-vjeçari ishte dënuar më parë për armëmbajtje pa leje. Materialet procedurale i janë referuar Prokurorisë për veprime të mëtejshme.
