Napoli do të bazohet te Giacomo Raspadori dhe Romelu Lukaku për një ndeshje vendimtare për titullin e Serie A kundër Cagliarit sonte. Fati i Azzurrëve është në duart e tyre, pasi një fitore do të jetë e mjaftueshme për të siguruar titullin e dytë në tre vjet, pavarësisht rezultatit të Interit në Como, transmeton KosovaPress.
Antonio Conte ende nuk ka shumë mundësi në mbrojtje, pasi Juan Jesus dhe Alessandro Buongiorno nuk janë në dispozicion. E njëjta gjë vlen edhe për Stanislav Lobotka në mesfushë, i cili do të zëvendësohet nga Billy Gilmour.
Siç është raportuar nga Sky Sport Italia dhe media të tjera, Conte do të qëndrojë në sistemin 4-4-2, me Scott McTominay si mesfushor i majtë dhe Raspadori dhe Lukaku në sulm.
Cagliari siguroi mbijetesën javën e kaluar, por Davide Nicola ende nuk pritet të bëjë shumë rotacione, megjithëse Zito Luvumbo, Mattia Felici dhe Leonardo Pavoletti janë të lënduar.
Të huazuarit e Napolit, Gianluca Gaetano dhe Elia Caprile nuk janë gjithashtu të disponueshëm për shkak të lëndimeve.
Napoli kundër Cagliarit – formacionet e mundshme
Napoli (4-4-2): Meret; Di Lorenzo, Rrahmani, Olivera, Spinazzola; Politano, Anguissa, Gilmour, McTominay; Raspadori, Lukaku.
Cagliari (3-5-2): Sherri; Zappa, Mina, Luperto; Zortea, Makoumbou, Adopo, Deiola, Augello; Viola, Pikoli.
