Kris Jenner, 70 vjeçe, shkëlqeu si një heroinë elegante e filmave James Bond në festën e saj të ditëlindjes me temë 007, duke mbajtur një fustan të kuq mahnitës dhe një pistoletë si aksesor.
Matriarkja e familjes Kardashian-Jenner ndau në Instagram momente nga nata magjike me miqtë e saj të famshëm, përfshirë Mariah Carey, Mark Zuckerberg, Oprah Winfrey, Adele, Meghan Markle e Princi Harry, Paris Hilton, Snoop Dogg dhe Naomi Watts.
Në fotografitë e publikuara, Kris pozoi pranë partnerit të saj Corey Gamble dhe vajzave të saj, ndërsa një kolazh tregonte edhe një përqafim me shoqen e saj të vjetër, Kathy Hilton, shkruan DailyMail.
Dekorimi përfshinte perde prej kadifeje të kuqe dhe llambadarë të artë, duke krijuar një atmosferë luksoze dhe plot stil James Bond.
Festa u mbajt në megarezidencën e Jeff Bezos dhe Lauren Sanchez në Beverly Hills, me rreth 300 të ftuar dhe një performancë live nga Bruno Mars.
Zhurma e lartë shkaktoi disa ankesa nga fqinjët, duke sjellë ndërhyrjen e policisë dhe një paralajmërim për respektimin e rregullave të zhurmës.
Jenner shkroi në Instagram: “Natë magjike duke festuar ditëlindjen time të 70-të me familjen dhe miqtë e mrekullueshëm”, duke treguar se përtej lukshit, energjia dhe entuziazmi i saj ishin në qendër të vëmendjes.
