Në Buletinin e Komisionit të Prokurimeve Publike, raportohen 158 ankesa nga operatorët ekonomik për tenderat në muajin tetor.
Ndërsa në periudhën 10-mujore, janë depozituar 1008 ankesa gjithsej. Sipas ankesave në fazën e procesit, 61 janë për Dokumente Standarte të Tenderit, 96 janë për vlerësim ofertash dhe një për të tjera.
Ndërsa duke i ndarë sipas llojit të kontratës, më shumë ankesa janë për mall të cilat janë 85 të tilla, 56 për shërbime dhe vetëm 17 për punë.
Sipas buletinit, pushteti vendor vijon të mbetet me numrin më të lartë të ankesave, duke arritur në 52 ankesa për procedura prokurimi, më pas shoqëritë aksionare kanë depozituar 40 ankesa, të pavarur vetëm 19, dhe pushteti qëndror ka depozituar 19 ankesa.
Por sa tarifia financiare janë arkëtuar në buxhetin e shtetit?
Sipas të dhënave, në 10 muaj, në në buxhetin e shtetit janë arkëtuar 63.7 milionë lekë tarifa financiare në përfundim të shqyrtimit të procedurave të prokurimit.
Ndërkohë, për t’u ndalur në tarifa financiare të arkëtuara si garanci për procedura prokurimi, në tetor janë rreth 35 milionë lekë, ndërsa për 10 muaj janë rreth 218.7 milionë lekë.
Nga ana tjetër, tarifa financiare të kthyera ndaj Operatorëve Ekonomikë në përfundim të shqyrtimit për muajin tetor janë përllogaritur rreth 18.6 milionë lekë, ndërsa për periudhën janar-tetor janë rreth 138.5 milionë lekë.
