Ish-kreu i FRPD, Artion Barjamaj në një postim në rrjetet sociale ka bërë një analizë të asaj se çfarë rezultati ka pasur organizimi i takimeve nga ish deputeti i PD Ervin Salianji me demokratët bnë bazë.
Bajramaj shkruan se falë këtyre takimeve u nis procesi i analizës, u bllokua parlamenti dhe u zhvillua një protest jo e keqe kombëtare më 22 dhjetor.
Në takimet e zhvilluara sipas ish kreut të FRPD, u vu re një pjesëmarrje masive që përçon një mesazh të qartë të anëtrësisë se pret reagim nga Partia Demokratike.
Postimi i plotë:
Cfarë prodhuan foltoret e Durrësit, Gjirokastrës dhe Elbasanit?
Pas zgjedhjeve të 11 Majit 2025 dukej qartë se brenda mbështetësve demokrat kishte këto ndjesi:zhgënjim, paqartësi dhe mendim për tërheqje nga aktiviteti politik.
Këto ndjesi dukej se i ushqente edhe më tepër mungesa e aktivitetit opozitar. Kujtoj që pas zgjedhjeve u premtua një betejë e ashpër me regjimin e Ramës i cili vodhi zgjedhjet. Këto premtime u harruan shpejtë gjatë sezonit veror dhe u rifillua aktiviteti parlamentar sikur të mos kishte ndodhur asgjë.
Mendimet rreth demokratëve se duhet bërë dicka në lidhje me këtë situatë u shtuan.
Për këtë arsye, pas një kafeje fillimisht enigmatike mes kandidatëve të listave të hapura me iniciativën e ish deputetit Salianji, kandidatit Alimehmeti dhe Kalaja, u hodh ideja e nisjes së një procesi bashkebisedimi mes demokrateve.
Më 3 Dhjetor 2025 u bë takimi i parë në Durrës, më pas një takim në Gjirokastër dhe më pas një takim në Elbasan.
Spikati pjesëmarrja masive: mesazh i qartë i anëtrësisë se pret reagim nga Partia Demokratike.
Ngjarjet që pasuan, shfaqën një kontradiskion të cuditshëm: “Anëtarësia fliste me maturi, lidershipi me nxitim.”
Fillimisht mesazhe anëtarësisë për të mos marrë pjesë në takime, pastaj sulme nga lideri i demokratëve dhe ekipi i tij drejtues shpesh here i paaftë në zbatimin e detyrave të tij, deri tek përjashtimi nga partia, akuzimi se kanë bërë fushatë për Partinë Socialiste apo se takimin e Elbasanit e organizoi eksponenti kriminal Suel Cela.
Kaloi deri në groteske sjellja e pak të rinjve që nuk patën guxim të pranojnë se ka punë të bëra jo mirë edhe brenda PD.
Kjo shumë kontradiktore, pasi vetë lideri Berisha zgjodhi të njëjtin format në vitin 2021.
Akuza të forta apo jo?
Ndaj kujt? Një anëtarësie që ka tashmë 14 vite që mbështet betejat e PD pa patur kurrfarë përfitimi material, ndryshe nga një pjesë e elitës partiake.
Cfarë prodhuan 3 foltoret?
Përvec ideve konstruktive në interes të PD, ato shkaktuan dicka që vetë anëtarësia kërkonte dhe priste prej 7 muajsh!
Lidershipi u vu në lëvizje!
1- U nis procesi i analizës(duhet parë vazhdimi)
2- U bllokua parlamenti në vijim të zgjedhjes së Avokatit të Popullit
3- U zhvillua një protest jo e keqe kombëtare(e mbështetur edhe nga pjesëmarrësit e 3 foltoreve)
Të treja këto nisma në interes të popullit opozitar.
Konkluzionet që nxorri anëtarësia nga kjo?
1- “4 vite opozitë për deputetët nuk janë aq të vështira, për anëtarët po”.
2- Kur lidershipi nuk performon, anëtarësia mund ta motivojë të ndryshojë.
Teksa regjimi i Edi Ramës është në pikën e tij më kritike me skandale galopante të përditshme, duket se foltoret e Durrësit, Gjirokastës dhe Elbasanit realizuan vetëm gjysmën e qëllimit të tyre ndërsa ekipi drejtues po bëhet gati të shijojë festat e fundvitit.
