Arrestimi i dhunshëm më 14 janar i 35-vjeçarit El Hacen Diarra u kap në video dhe u shpërnda në rrjetet sociale.
Rreth 1,000 persona u mblodhën në kryeqytetin francez, duke iu përgjigjur thirrjeve të grupeve të ndryshme kundër brutalitetit policor.
Demonstruesit kërkuan drejtësi për Diarra-n, i cili vdiq pas arrestimit të dhunshëm.
Protesta, e mbajtur në heshtje nën mbikëqyrjen e policisë, u ndoq edhe nga familja e Diarra-s.
Demonstruesit mbajnë pankarta me mbishkrime si “Drejtësi për El Hacen Diarra” dhe “Pa drejtësi, nuk ka paqe”.
Diarra u arrestua për dyshimin e kundërshtimit të arrestimit dhe posedimit të “një substance kafe që ngjason me kanabisin” dhe “dokumenteve administrative të falsifikuara”.
Familja e tij pretendoi se ai ishte viktimë e dhunës policore përpara hostelit ku jetonin punëtorët migrantë, sipas Anadolu.
Pamjet e kapura nga banorët lokalë treguan dy oficerë që godasin një person në tokë.
Gjatë një shqyrtimi të pamjeve të kërkuara nga familja, Diarra dëgjohej duke thënë “Po më mbytni.”
Prokurorët e Parisit vunë në dukje se kamerat e trupit të oficerëve nuk funksiononin në atë kohë për shkak të baterive të shterura.
Është hapur një hetim nën akuzën “shkaktim vdekjeje përmes dhunës së qëllimshme nga një person që përfaqëson autoritetin publik, shkruan AA.
Ministri i Brendshëm francez, Laurent Nunez, u shpreh kundër pezullimit të përkohshëm të oficerëve, ndërsa familja e Diarra-s kërkoi arrestimin e tyre.
